Нохчийн литература езачарна дика евзаш ю гIараваьллачу поэтан, прозаикан, драматурган Мамакаев Iаьрбин цIе. Шовзткъе итт шо хьалха кхелхира поэт, дан лерина дуккха а гIуллак- хаш а дуьсуш. Шен дахаран шовзткъа шарах ялхитта шо буьрсачу Сибре- хахь даьккхина цо. Юбилейна лерина Москвахь яздархочун шиъ гулар араяьлла, нохчийн а, оьрсийн а меттанашкахь. Уьш арахоьцуш доккха дакъалаьцна вевзаш волчу литератора Мусаев Iалавдис а, цуьнан накъосташа а.
Поэт дуьненчу ваьлла 90 шо кхаьчна 2008-чу шеран 2 декабрехь. И де билгал а доккхуш, Мамакаев Iаьрби дагалоцуш суьйре дIаяьхьира Моск- вахь ноябрь беттан I0-чу дийнахь Литераторийн коьртачу цIийнехь (ЦДЛ). Цигахь гулбеллара Москвахь бехаш болу нохчийн Iилманчаш, бизнесменаш, поэзиезархой а, иштта нохчийн республикера хьеший а. Iаьрбин поэзи оьрсийн матте яьккхинчу поэташа Э. Балашовс а, В. Бояриновс а, И. Голубничийс а, кхечара а дийцира Мамакаев Iаьрбин кхолларалех шайна хетарг.
Даздаран хьолехь дIаяьхьначу суьйренехь дакъа- лецира Москвахь Iаш болчу нохчийн иллиалархоша Токаев Сулеймана а, Расаев Хьусейна, пондарчо Паскаев Рамзана а, кхечара а. Массара а доккха баркалла элира Мамакаев Iаьрбин музей йиллинчу цуьнан кIантана Эдуардана.
***
Мамакаев Iаьрби дуьненчу ваьлла 90 шо кхачарна лерина йолу дазда- ран а, дагалецаман суьйре дIаяьхьира 2008-чу шеран 28-чу ноябрехь НР-н оьздангаллин министерствехь а. Оццу дийнахь Лаха-Неврерчу Мамакаев Iаьрбин музейхь схьадиллира поэтан йоьза сурт. Оцу башхачу хиламе гулделлера I.Мамакаевн кхолларалла езаш долу дуккха а адамаш: яздархой, Iилманчаш, юьртара бахархой, гIалара хье- ший.
Исмаилов Абу
|